Haum eon nga sumabak sa US Open sa New York ro Filipina tennis star nga si Alex Eala, daea ro kumpiyansa halin sa anang manami nga performance sa hard court season.
Pinakamabahoe nga kadaeag-an ni Eala makaron nga season ro anang pagdaog sa Mubadala DC Open sa Washington, D.C., nga mas pang nagpabaskog sa anang kumpiyansa bago ro prestihiyosong torneo.
Kilaea si Eala sa anang never-say-die attitude ag determinasyong magsukoe sa pihak it gaoy, injury ag iba pang hangkat sa kada hampang.
Sa US Open, magasabak imaw sa women’s singles bilang seeded player ag makikipag-pares man kay Canadian Felix Auger-Aliassime sa mixed doubles.
Bitbit ni Eala ro anang mga handum ag ro suporta it milyun-milyong Pilipino samtang padayun nana nga gina-eagas ro mas mabahoe nga kadaeag-an sa anang tennis career.
