Nakataeanang maging kauna-unahang Filipina nga makaangkon it star sa Hollywood Walk of Fame si Broadway ag international theater icon Lea Salonga sa Setyembre 4, 2026.
Ro star ni Salonga hay ika-2,855 sa Hollywood Walk of Fame ag igabutang sa 6225 Hollywood Boulevard, sa atubang it Pantages Theatre.
Kaibahan sa ginaeauman nga magatambong sa seremonya si aktres ag kaparehong Mulan voice performer nga si Ming-Na Wen.
Kilaea si Salonga sa pagganap bilang Kim sa Miss Saigon, nga nagtao kana it Tony Award, ag bilang singing voice nanday Princess Jasmine sa Aladdin ag Fa Mulan sa Mulan.
Sa Setyembre 6, magabaton man imaw it Icon Award halin sa Manila International Film Festival bilang pagkilaea sa anang bulig sa pangkalibutanong industriya it sining.
