Excited eon si Grammy-winning singer John Legend nga makapagperform it uman sa Pilipinas nga suno kana hay ilistaran it pila sa mga pinaka-masugid nga music fans sa kalibutan.
Espesyal man sigon para sa kana ro nabubuoe nga pagpalangga ag suporta sa mga Filipino kada nagabisita imaw sa nasyon.
Raya eon ro ika ap-at nga pagbisita ni John Legend sa Pilipinas.
Suno sa singer, mabuhay eon nana nga ginahueat ro uman nga pagbalik sa nasyon.
Sambilog sa mga ginpalangga nana nga kanta it Filipino fans ro “All of Me,” nga naging paborito man sa mga karaoke ag mga espesyal nga okasyon kaparehas it kasae ag anibersaryo.
Ginpahayag ni Legend nga masadya imaw nga masayuran nga ro anang mga kanta hay naging kaparte it kabuhi it mga Filipino.
Sa anang Manila concert nga “An Evening of Songs and Stories,” plano nana nga makipagbahin it bukon eamang it musika kundi pati it mga istorya angot sa anang kabuhi, mga inspirasyon ag mga kantang ginsueat nana.
Ginaeauman man ni Legend ro sangka mabahoe nga sing-along kaibahan ro anang Filipino fans, kapin eon ag kilaea ro Pilipinas nga mahilig mag-karaoke.
