Magasabak si Filipina tennis star Alex Eala sa mas mataas nga lebel it Singapore Tennis Open, nga magiging kauna-unahan nga WTA 500 tournament makaron nga dag-on.
Pagahiwaton ro torneo umpisa sa Setyembre 21 hasta 27 sa OCBC Arena sa The Kallang, Singapore,kun sa siin, magapasakop ro pila sa mga bigating player sa bilog nga kalibutan.
Kaeakip sa mga makaibahan ni Eala sa main draw sanday World No. 3 Jessica Pegula, World No. 5 Mirra Andreeva ag World No. 10 Amanda Anisimova, kamana man ro mga Grand Slam champion nga sanday Barbora Krejcikova ag Elise Mertens.
Ro torneo hay may 28-player singles draw ag 16-team doubles draw, samtang libre ro pagsueod sa qualifying rounds sa Setyembre 19 ag 20.
Para kay Eala, raya hay sangka mabahoe nga kahigayunan nga uman nga makahampang sa Singapore ag maka-atubang ro pila sa pinakamayad nga mga players sa kalibutan sa sangka WTA 500 event.
