Uwa nag-atubang si Vice President Sara Duterte sa Quezon City Regional Trial Court ku Biyernes matapos magpaguwa it warrant of arrest kontra kana angot it three counts it grave threats.
Nakitaan sigon it probable cause ro kaso agud mag-atubang imaw sa pagbista.
Nagpadugang man it police personnel sa korte matapos mapaguwa ro warrant, samtang nagpahaom man it lugar para sa posibleng pagbuoe it mugshot ni Duterte. Apang, uwa imaw kusang nagpakita sa korte hasta it alas-6 it gabie.
Nag-ugat ro kaso sa mga pahayag ni Duterte ku Nobyembre 2024 angot sa pagpapatay sigon kanday Pangueong Ferdinand Marcos Jr., First Lady Liza Araneta-Marcos ag dating House Speaker Martin Romualdez.
Samtang, ginpamilit it anang kampo nga uwa imaw naga-likaw sa laye ag pagagamiton ro tanan nga legal nga remedyo.
Ro nasambit nga alegasyon hay sambilog man sa mga basehan it impeachment case kontra sa Bise Presidente.
