Ginpabaskog it Department of Health (DOH) ro community surveillance ag outreach activities agud maprotektahan ro mga tawong mataas ro peligro nga mag-angkon it leptospirosis, kasunod it pag-abo it mga kaso sa mga lugar nga ginabaha.
Kaibahan sa gina-tutukan ro mga delivery worker, transport worker, cleanup crew ag iba pang frontline personnel nga kinahangean mag-eusong sa baha.
Nagpatigayon man it house-to-house visits ro mga health worker agud matumod ro mga exposed ag mataw-an it preventive antibiotic nga doxycycline, depende sa andang exposure sa baha.
Nakikipag-bueuligan ro DOH sa mga lokal nga gobyerno para matumod ro mga high-risk community ag masubaybayan ro suplay it bueong.
Ginamonitor man ro mga available nga hospital bed gamit ro leptospirosis tracker, samtang gina-saylo sa mas manabang health facility ro mga stable eon nga pasyente agud mataw-an it bastante nga eugban ro mga nagakinahangean it mas intensive nga bueungan.
