KALIBO, Aklan—Aminado si Senator Risa Hontiveros nga nagapahaom imaw para sa posibleng pagdaeagan bilang kandidato it oposisyon sa 2028 presidential elections, maskin nga uwa pa sigon imaw it pinal nga desisyon.
Sa anang pagbisita sa probinsya it Aklan, ginpahayag ni Hontiveros nga ginahimo nana ro tanan agud nga maging pinakamabaskog nga posibleng kandidato halin sa andang grupo.
Engkasong imaw ro magguwa nga pinakamabaskog nga kandidato, magiging importante sa anang desisyon ro laygay ag suporta it anang mga himata ag mga kaalyado sa Region 6.
Gin-insister man it senador ro importansya it pag-angkon eamang it sangka kandidato it oposisyon agud mas mapabaskog ro andang tsansa sa 2028 elections.
Kadungan kara, ginpadayon nana ro anang mga obligasyon sa Senado bilang chairperson it pilang komite ag bilang senator-judge sa nagapadayon nga impeachment trial.
