Nagpanindugan si Atty. Christian Monsod, sambilog sa mga nagbilog it 1987 Constitution, nga tama ro naging desisyon it Senate Impeachment Court nga indi i-eakip sa voting threshold ro mga senador nga uwa nakakatambong ukon presenteng nakakulong sa pagbista sa impeachment case kontra kay Vice President Sara Duterte.
Suno kay Monsod, naduduea ro gahum ag kinamatarong nga mag-boto it mga senador nga nakakulong bangud sa kasong plunder, kaya possible sandang kakason sa denominator nga ginagamit sa pagtumod it ginakinahangean nga 2/3 boto para sa conviction ukon acquittal.
Ginhambae man ni Monsod nga posibleng magbag-o ro interpretasyon sa probisyong nagakinahangean it 2/3 it tanan nga miyembro it Senado depende sa aktuwal ag legal nga kahimtangan it mga senador.
Dugang nana, uwa it gineabag nga probisyon it Konstitusyon si Senate President ag impeachment court presiding officer Chiz Escudero sa pagtumod it tamang numero it mga botante.
