Nagpaandam ro Department of Science and Technology (DOST)-PAGASA sa nababatyagan makaron nga Strong El Niño sa Tropical Pacific nga posibleng magbaskog bilang Very Strong El Niño sa katung-anan it Oktubre ag Disyembre 2026 ag magapadayun hasta sa unang katung-anan it 2027.
Suno kay DOST Secretary Renato Solidum Jr., sa ginpatigayon nga press conference para sa Science, Technology and Innovation Exhibits 2026 sa banwa it Kalibo, pwedeng magtuga sigon raya it mas mainit nga temperatura ag below-normal rainfall sa mabahoe nga parte it nasyon nga magapataas it peligro sa pag-angkon it dry spell, tigmaeaea, kakueangan sa suplay it tubi ag epekto sa agrikultura, enerhiya ag ikamayad nga eawas.
Bangud kara, nagapahaum sigon ro DOST it mga teknolohiya para mabuligan ro mga manguguma nga maka-adopt sa kakueangan it tubi, kaibahan ro mobile solar-powered irrigation system ag mas episyenteng pamaagi it patubi kapareho it drip ag furrow irrigation.
Gin-engganyo man kara ro mga lokal nga gobyerno, mangunguma ag iba pang sektor nga gamiton ro mga climate forecast ag temprano nga magpatuman it mga tikang sa pagtipid it tubi ag pagpahaum sa posibleng epekto it pagtama it Very Strong El Niño.
