Uman nga nag-atubang it personal si dating Pangueong Rodrigo Duterte sa International Criminal Court (ICC), adlaw it Martes, sa ikaywang kahigayunan sa sueod it daywang buean, angot it kasong crimes against humanity nga ginapangatubang nana bangud sa anang naging kampanya kontra droga.
Tuyo kara nga ayuson ro mga detalye ag pagpahaom para sa pagbista.
Nakapungko imaw sa likod it anang mga abogado ag gumamit it headset samtang nagaumpisa ro pagpamati.
Unang nagtambong si Duterte sa mga pagpamati pinaagi sa video link matapos nga daehon sa The Hague.
Uwa imaw nakatambong sa pilang nakataliwna nga pagpamati bago ro personal nga pag-atubang sa ikatlong status conference it kaso ko Setyembre.
Nagapangatubang ro dating presidente sa tatlong counts it crimes against humanity.
Samtang, gintaeana mat-a it ICC ro Nobyembre 30 bilang pag-umpisa it pagbista nga posibleng magbuhay it pilang buean ukon dag-on.
