Ginatan-aw it mga awtoridad ro grabeng academic pressure bilang sambilog sa mga posibleng motibo sa pagpamaril sa Ateneo de Zamboanga University.
Suno kay Zamboanga City Mayor Khymer Adan Olaso, naka-eksperyensiya sigon it pressure ro Grade 9 student nga suspek bangud sa anang mga grado. Gina-imbestigahan man ro report nga naga-angkon raya it depression.
Sa pihak kara, nagapadayun pa ro imbestigasyon agud nga matumod ro matuod nga rason it insidente.
Base sa paunang impormasyon, sangka manugturo ro unang ginpuntirya it suspek apang owa raya tinamaan. Matapos kara, nagsueod sigon ro suspek sa sangka classroom ag binaril ro sangka Grade 10 student nga namatay.
May daea sigon nga daywang baril ro suspek ag ko ulihi hay nag-agto sa fifth floor it eskwelahan ag binaril ro anang kaugalingon.
Padayun nga gina-usisa it mga awtoridad ro nagkaeain-eain nga posibleng dahilan sa likod it insidente, kaibahan ro kahimtangan it suspek ag mga eksperyensiya kara sa eskwelahan.
