KALIBO, Aklan—Sa ginaeauman nga paglobo it mga turista ag bakasyunista sa isla it Boracay, uman nga nadugangan ro numero it mga establisyimentong pwedeng magbaton it mga bisita kapin eon makaron nga Semanta Santa.
Base sa bag-ong listahan it Department of Tourism (DoT), halin sa numerong 326 ko Marso 20 hay nadugangan eon raya makaron ag nagaabot eon it kapin sa 339 establishments nga may kabilugang 12,083 rooms.
May kaangtanan kara, uman nga nagpadumdom ro Boracay Inter-Agency Management Group (BIAMG) sa may mga planong magpadueong sa isla agud idto dumdumon ro Holy Week nga tan-awon it mayad ro listahan it DoT antes magpareserve it hotel para sa pilang adlaw nga bakasyon.
Nasayuran nga target it Municipal Tourism Office it Local Government Unit it Malay ro kapin sa 51,000 tourist arrival makaron nga Holy Week season sa isla it Boracay.
