Padayon ro hugot nga pagpamaeabag it Alliance of Concerned Teachers ukon ACT Partylist sa nagapadayon nga pagpamati sa ginaduso nga Maharlika Investment Fund.
Suno kay Congresswoman France Castro, mabaskog ro andang panawagan nga inde pagsuportahan ro MIF bangud nga inde eon naton raya kinahang-ean.
Raya hay matapos nga uwa man it maabong manggad ro Pilipinas ag sa kamatuoran hay eobog sa utang ro gobyerno nga nagaabot eon sa P14 trilyon pesos.
Ginpahayag dugang ni Castro nga ginagisa eamang nanda sa kaugalingon nga mantika ro publiko.
Maskin nga uwa gin-eakip ro pension fund it mga SSS ag GSIS members hay may posibilidad gihapon raya nga mahueag it gobyerno kon sa siin raya sa makaron ro eubus nanda nga ginakabaeak-an.
Posible sigon nga magamit raya bilang ill gotten wealth ukon money laundering.
Ginpahayag dugang ni Castro nga gamiton sigon ro pondo para sa infrastructure nga sa kamatuoran hay ginataeanaan mat-a raya it pondo sa idaeom it Department of Public Works and Highways ukon DPWH.
