KALIBO, Aklan – Gusto sigon kunta it Alliance for Concerned Teachers nga bukon it pulitiko ro maging bag’ong sekretaryo it Department of Education ag sa baylo hay educator.
Suno kay representative France Castro it Alliance for Concerned Teachers nga gusto nanda may solusyon sa educational crisis ag uwa it bahid it kurapsyon.
Apang bangud nga raya hay nakabase sa desisyon it presidente nga si Sen. Sonny Angara ro ginbueo ag raya hay positibo man kanda bangud nga imaw ra hay bukas sa consultation sa mga manugturo, miyembro it EdCom para sa ikamayad it educational system, ag si Angara hay chairman on committee on finance.
Pagsaysay ni Castro nga uwa eamang sanda naila nga magamit ro DepEd sa pulitika.
Handum nanda nga kunta sa makaron hay maging manami eun ro educational system it nasyon ag ro standing sa international tests.
Nagasalig ag magabantay man sanda sa mga himuon it panibag’ong sekretaryo.
Kinahang’ean man sigon maging prudent sa mga budget bangud nagataas ro budget deficit ag utang it nasyon.
Samtang, panindugan it Alliance for Concerned Teachers nga sa makaron hay mas abo ro illegal nga POGOs kontra sa mga legal POGOs rason nga dapat itotal ban ag icriminalize eun ro mga raya.
