Bukon it bastante ro pagkondena sa ginahimo it China Coast Guard sa kaeawran nga sakop it Pilipinas ag dapat haom ag dapat i-modernize ro Armed Forces of the Philippines ag Philippine Coast Guard.
Suno kay dating Senate President Juan Miguel Zubiri, klaro nga uwa it pakundangan ro paghueag ag agresyon ag karahasan it Chinese maritime authority sa exclusive economic zone it West Philippines Sea.
Apisar sigon nga suportado it international community ro Pilipinas, nagapabilin nga uwa ngakabaeaka ro China.
Ro pagsueong it programa it modernisasyon it AFP ro sangka pamaagi para mapahauman ro mga masunod nga himuon it China ag kinahang’ean madugangan it puwersa it Pilipinas sa pagpapatrolya it West Philippine Sea.
Ro Senado hay nagtaeana eun it magsobra P6 bilyon para sa AFP ag P2.8 bilyon para sa PCG para sa 2024.
Pahayag ni Zubiri nga kinahang’ean ipaguwa ro mga pondo agud mabuligan ro AFP sa pagbakae it mga saeakyang pandagat ag kagamitan para maproteksyunan ro mga katubian it nasyon.
