KALIBO, Aklan – Sa sunod-sunod nga pagdaug it Pinay beauty queens, kampante ro mga paryenti ag mga suod nga abyan it 5’9 nga daeaga maghalin sa Kalibo, Aklan, nga maiuli kara ro korona sa 29th edition it Miss Model of the World sa Shenzhen, China.
Sa sangka Facebook post, nagpaabot it goodluck wish ro mga paryenti, amiga ag dating kaklase ni Esraphelle Beltran Tambong para sa nasambitan nga contest.
Ro kompetisyon hay magatapos sa November 26, 2017 nga nag umpisa ku November 9.
Si Tambong hay nagtapos it high school sa Aklan Catholic College ag presenteng naga eskwela sa University of Makati sa kursong Bachelor of Arts, Political Science major in Paralegal Studies.
Modelo imaw it Philippine Fashion Week ag miyembro it Queens of Our Beautiful Planet, Philippines.
