Gindepensahan ni Atty. Ariel Gepty, general manager it Aklan Electric Cooperative nga uwa it kapaltahan ag kakueangan ro kooperatiba sa pagpasa it mga dokumento sa Energy Regulatory Commission.
Raya hay matapos nga naeakip ro Akelco sa ginpapanaugan it show cause order it ERC bangud nga napas-eawan sigon raya nga magpasa it dokumento nga nakabaehag ro impormasyon angot sa andang pass-through fuel cost charge sa mga konsumidor.
Suno kana, nakabaton sanda it impormasyon ko Disyembre 5, 2022 nga magsumite it nasambit nga mga dokumento rason nga gilayon sanda nga naghueag ag ko Disyembre 13, 2022 hay naipadaea nanda raya kon sa siin nabaton sigon it ERC ko Disyembre 14, 2022 base man sa pagbaeayluhan it mensahe sa andang email account.
Uman nga nagpanindugan si Atty. Gepty nga kumpleto ro Akelco sa mga dokumento nga ginpangayo it ERC.
Nasayuran nga ro tikang it ERC hay kaparte it andnag fuel audit para maberipika kon eksakto ro ginaimponer nga fuel charges it kooperatiba sa andang mga member-consumer sa idaeom it Power Supply Agreements (PSAs).
