KALIBO, Aklan—Pabor si Aklan 2nd District Congressman Teodorico “Nonong” Haresco engkasong magpatukod it casino sa isla it Boracay.
Sa pihak kara owa man sigon it magiging problema kana kung may mag-operate ngac casino ukon owa bangud ro importante sigon para kana hay makaangkon it trabaho ro mga aklanon.
Dapat man sigon nga kung may casino hay indi ma-eapta ro illegal nga droga ag prostitution.
Dugang pa kara nga indi dapat magpasugtan nga masueod ro mga aklanon kungdi para eamang sa mga turista.
Nauna kara, ginpahayag ni Presidential Spokesperson Atty. Harry Roque, nga ro pronouncement it presidente hay kaparte it revenue-generating efforts it gobyerno agud nga makatao it dugang nga pondo para sa COVID-19 response.
Apang kinahangean sa gihapon nga magsunod sa health protocols ro mga casino-goers ag hugot nga pagabawaean ro mga minors nga magsueod sa casinos sa Boracay.
Nasayuran nga owa it casinos nga naga-operate sa Boracay antes pa man ro order it presidente.
Samtang sa pihak nga parte, ginapahayag man ni Aklan 2nd District Congressman Teodorico “Nonong” Haresco nga nagbilog makarun ro puwersa it nagkaeain nga partido sa ikaywang distrito it probinsiya it Aklan.
Maghalin sa altavas paadto sa buruanga hay nagasuporta eun sa patido it “tibyog”.
Kompleto eun man ro andang partido para sa nagahieapit nga 2020 national election.
