KALIBO, Aklan—Nagapabilin nga eowas ro probinsya it Aklan ag bilog nga Western Visayas sa coronavirus disease ukon COVID-19.
Sa kamatuoran suno kay Provincial Health Officer II Dr. Cornelio Cuatchon, uwa kita makaron it ginakabig nga person under investigation ukon PUI apang may sambilog nga person under monitoring ukon PUM nga presenteng naka-quarantine sa Aklan Tranining Center.
Sa pihak kara, uwa it dapat kabaeak-an ro mga pumueoyo bangud nga uwa nagapakita it sintomas ro nasambitang indibidwal kamana man healthy sigon ro anang pang-eawason.
Nagapadayon sa gihapon ro andang hugot nga monitoring ag pagbantay sa Kalibo ag Caticlan Airport kamana man sa tanan nga pantalan agud nga uwa it makaeosot nga indibidwal nga may daea nga nasambitang masakit.
Samtang sa pihak nga parte, uman nga nagpadumdom sa publiko si Dr. Cuatchon nga ugaliong malimpyo sa eawas agud nga makalikaw sa nasambitang sakit kamana man himuon ro eksakto nga cough etiquette agud nga inde makatapon sa ibang tawo ro virus.
