KALIBO, Aklan–Nagapabilin sa red alert ro probinsiya it aklan bangud sa bagyong paeng nga kon sa siin pilang banwa sa western side hay sa idaeum eon it storm signal no. 2.
Suno kay Aklan governor Joen Miraflores nga padayun ro andang monitoring sa track it bagyo kamana man ro lebel it tubi sa Aklan river.
Sa pihak nga parte, bangud sa grabeng kahalitan it bagyo kasunod it naexperiensiyahan nga flash flood ko miyerkules nga adlaw, ginhinyu nana nga madeklara ro state of calamity sa probinsiya.
Suno sa gobernador nga agud nga masabat ro kinahangeanon it mga apektadong residente kinahangean nga magdeklara it state of calamity sa bilog nga probinsya.
Ro resolution no. 2022-214 hay ginbilog it provincial board nga gin-aprubahan ni Governor Miraflores.
