Kalibo Aklan ——Sa pihak it ginapangatubang nga krisis tuga it COVID-19, padayon gihapon ro pag-export it Aklan it abaca fiber ukon ro ginatawag nga linabag sa mga kaeapit nga probinsya partikular sa syudad it Iloilo.
Suno kay Provincial Fiber Officer Tarcisio Nervar Jr. it Philippine Fiber Industry Development Authority ukon PhilFIDA nga tayuyon ro pagkigi it mga mangunguma partikular sa mga nabukid nga bahin it banwa it Madalag ag Libacao eabi eon kat ginbutang ro bilog nga probinsya it Aklan sa Enhanced Community Quarantine bangud ro mga tawo hay nagpaaplikar eon lang sa mga taeamnan nanda it abaca.
Suno pa kay Nervar, sigidas ro pagpamakae it mga local traders kon sa siin nataeopangdan ro pagtaas it presyo maskin nga nagnaba it 50 porsyento ro andang delivery.
Sa makaron sigon hay sigidas ro pagproduce it mga mangunguma it abaca fiber nga gina-export sa mga kaeapit probinsya.
Una kara, ginhinyo it PhilFIDA ro mga abaca famers nga maghimo it “first class” nga linabag bangud nga raya ro gina usoy it mga traders.
Nasayuran nga ro Aklan hay pang siyam sa mga probinsya sa nasyon nga naga paguwa it abaca fiber ag kapin sa 3.52 percent ro naiamot sa pangkabilugan nga produkto it abaca it Pilipinas ko 2018.
Nasayuran dugang nga sa banwa it Libacao, Madalag, Balete, Ibajay, Malinao, Makato, Banga ag Altavas eamang ro may tanom nga abaca kon siin ro Libacao ro may pinakaabu nga ginapaguwa nga produkto.
