Pormal eun nga nailista ro Aklan Piña Handloom Weaving it Aklan sa UNESCO sa idaeom it intangible cultural heritage, raya hay paagi sa mga ginpatigayon nga mga tikang, plano, preparasyon ag kooperasyon it lokal nga gobyerno it Kalibo, probinsiya it Aklan, mga eain-eain nga organisasyon.
Raya ro ginpakigbahin ni Anna India Legaspi representante it Local Government Unit it Kalibo.
Dugang pa nana nga ginahimo it Aklan Piña Manufacturers and Traders Association ro tanan para nga mapreserba ro nasambit nga natural nga produkto it probinsiya it Aklan , gin-engganyo man nana or mga pamatan-on nga tinguhaon nga matun-an ron nasambit nga techniques ukon estratihiya para nga mapreserba ro nasambit nga produkto.
May mga natural dyes ukon mga digital techniques sigon sanda para nga mapreserba ro pinya weaving.
Naghimo sigon sanda it mga standard nga klase it pinaagi agud nga maging mas manami ro produkto it pinya agud makasueod sa criteria it UNESCO.
Masayuran nga henerasyon eun ro ginabuhay it nasambit nga produkto nga ginapasa sa mga maabo eun man nga henerasyon.
Ginparehistro sigon nanda ro quality standard it pinya, fine abaca ag silk sa Intellectual Property Office.
May mga layi man nga ginpatuman para maproteksiyonan ro nasambit nga produkto.
Bisan sigon si Legaspi hay natun-an man ag ginpahaegan ro pinya nga tuyo nga maipasa sa mga masunod nga henerasyon.
May mga trainings ukon mga aktibidad para sa panibag-ong henerasyon agud nga indi maduea ro nasambit nga tradisyon.
Dugang nana nga padayon sa gihapon ro andang mga tikang agud nga maproteksiyunan ro weaving.
Pagpaathag ni Legaspi bukon eamang it sangka alima ro nagahimo ukon ro naging daean it nasambit nga pagkilaea kundi maabo man ro nagpatigayon ag nagbulig.
Dapat sigon nga proteksyonan ro skills it mga tawo nga kaantigo sa nasambit nga butang, iedukar, networking, ag marketing and development ro himuon.
Pahayag nana suportahan, gamiton ag tun-an ro native product nga pinya.
