KALIBO, Aklan—Ginpatigayon kahapon nga adlaw sa Camp Pastor Martelino, Kalibo ro turn-over of command it bag-ong provincial director it Aklan Police Provincial Office (APPO).
Raya hay sa pagkatawo ni Police Colonel Esmeraldo Palomara Osia, Jr.
Sa anang mensahe, ginpunto kara nga anang pagapadayunon ro naumpisahang internal cleansing sa linyada it kapulisyahan.
Kinahang-ean sigon nana nga nakapokus ro mga raya sa andang trabaho ag maging responsive sa tanan nga bagay.
Ginpahayag dugang nga importanteng naka-alerto sa tanan nga oras ro mga police officers sa emotional and physical nga aspeto.
Gin-insister dugang kara ro commitment sa pagiging katapo it kapulisan bangud raya sigon ro yabe sa madinaeag-on nga police operations kontra sa mga kriminals ag iba pang lawless elements.
Ginlaygayan man kara ro mga kapulisan nga sa maskin anong bagay hay kinahang-ean nga ibutang ro kaugalingon sa tama, magrespeto ag gamiton eamang ro kaisog sa mga violators it laye.
Samtang, bilang dating hepe it Regional Aviation Security Unit (AVSEU), magapresentar man sigon raya it mga dugang nga planong pagahimuon sa Kalibo International Airport ag sa Caticlan Airport para sa dugang nga seguridad it mga byahero.
Nasayuran nga ginbuslan ni P/Col. Osia si Police Colonel Lope Manlapaz nga sa makaron hay idto eon sa Police Regional Office (PRO-6) sa syudad it Iloilo.
Antes nga naging provincial director it Aklan si Osia hay naging acting provincial police director anay imaw it probinsya it Guimaras ag naging hepe man it Regional Aviation Security Unit (AVSEU) it Western Visayas.
