Maskin nga owa it nailistang bayolenteng hubeag protesta sa probinsiya sa kasaysayan, apang ginpasiguro it Aklan Police Provincial Office (APPO) nga haum sanda sa pag atubang sa mga hubeag protesta angot sa anomalya sa flood control projects.
Raya hay kasunod it ginpatigayon nga black Friday protest sa Metro Manila it pilang mga estudyante nga pagasundan pa it mga paghueag hasta sa September 21.
Kadungan kara, nag apela si P/Capt. Aubrey Ayon, tagapaghambae it APPO sa publiko nga ipatuman gihapon ro disiplina ag respeto sa laye ag kon magapatigayon man it protesta hay obrahon raya nga matawhay agud nga malikawan ro anuman nga klase it kinagamo.
Nauna eon nga ginpahayag it Philippine National Police nga nakaplastar eon ro mga security plan engkaso nga makaangkon it hubeag-protesta sa nasyon nga kapareho it natabu sa Nepal ag Indonesia, kun sa siin ro andang maeapnagon nga rally hay nagresulta sa kinagamo agud suk-ean ro korapsyon ag pribilehiyo it mga pulitiko.
