KALIBO, Aklan–Haum eon ro mga katapo it Aklan Police Provincial Office (APPO) sa pagselebrar ag pagdumdom makaron nga Holy week ag sa pag-ratsada it summer vacation.
Suno kay PSSG Leonelyn Artes, public information officer it APPO nga umpisa ko Palm Sunday hay nagdeploy sanda it ginabueobanta nga 400 ka mga PNP personnel ag 149 nga police assistance desk nga gin-tukod sa nagkaeain-eain nga lugar eabi eon sa pito nga pilgrims sight.
Padayon eon rayon sigon raya bangud gina-eksppektar nanda nga magadagsa ro naga-ueulian ag maga-bakasyon nga mga tawo.
Dugang pa nana, nag implementa sanda it Oplan Ligtas SUMVAC 2025 para sa paeaabuton nga summer vacation.
Pahanumdon man nana nga maging hydrated bangud sobrang ro ka-init it panyempo, ag sa mga nagabyahe, siguraduhon nga una sa mayad nga kondisyon ro mga saeakyan eabi eon kun mahaba ro byahe para malikawan ro mga uwa nailaan nga disrgasya.
Angot man sa pagdumdom sa Semana Santa, maging marespeto sigon sa mga pilgrims sight ag bawae mag daea it mga bagay nga posibleng makahalit ag indi man sigon mag-adto nga naka inom.
