Ginaengganyo makaron it Aklan Provincial Youth Development Office ro mga youth organization nga magparehistro sa Youth Organization Registration Program sa idaeom it National Youth Commission.
Ginpaathag ni Ms. Jannica Anne Dela Peña nga mabahoe nga bulig sa mga organisasyon kon sanda hay rehistrado.
Maenjoy sigon nanda ro mga privileges nga provided sa 2018 Revitalized Youth Organization Registration Guidelines pursuant sa Republic Act No. 8044 ukon ro “Youth in Nation-Building Act”.
Sa makaron suno kay Dela Peña hay may 14 eon nga rehistrado sa idaeom it YORP ag may una pang napueong organisasyon sandang ginatutukan agud nga makapasa sa evaluation ag mga guidelines nga gintaeana sa nasambit nga programa.
Angot kara, nag-apela imaw sa tanan nga inde magkahuya nga magpaeapit sa andang opisina agud nga magiyahan sanda sa mga dapat nga himuon eabi eon kon sanda hay interesado nga makabulig sa komunidad.
