-- ADVERTISEMENT --
KALIBO, Aklan— Ginkoronahan bilang Ms. Scuba Philippines 2018 ro Aklanon beauty nga si Ms. Noelle Fuentes Uy-Tuazon.
Ginpyerde kara ro an-om nga iba pang kandidata sa coronation night nga ginpatigayon sa Chaos Manila City of Dreams.
Si Tuazon hay tubong banwang Tangalan, sangka biological anthropologist, licensed diver ag naging Miss Philippines Earth candidate kon siin ginbandera kara ro kaugalingong banwa.
Igataguyod sigon kara ro “sustainable marine ecotourism preservation through coral rehabilitation and transplantation”.
Samtang, uwa pa kara natapos ro anang pagrampa bangud imaw ro magarepresentar it nasyon sa Miss Scuba International 2018 nga igapatigayon sa Kota Kinabalu Sabah, Malaysia sa maabot nga Nobyembre 2018.
-- ADVERTISEMENT --
