-- ADVERTISEMENT --
KALIBO, Aklan — Haom eon sa pagsabak ro Akeanon beauty queen ag Pencak Silat multi-titled athlete nga si Cherry May Felizardo Regalado sa nagahilapit nga 30th Southeast Asian Games sa nasyon.
Suno sa 24-anyos nga daeaga halin sa banwa it Kalibo nga handom nana nga makakuhit it gold medal sa SEA Games.
Nasayuran nga si Regalado hay nagbyahe pa sa Jakarta, Indonesia ko Hulyo agud mag-ensayo kaibahan ro Pencak Silat Philippine squad para mapaayos ro andang medal standings sa biennial meet sa Kuala Lumpur, Malaysia daywang dag-on eon ro nakataliwan.
Ginpasaeamatan man kara ro paghampang sa pencak silat bangud nga mabahoe sigon raya nga bulig agud mapatapos ro pag-eskwela sa Aklan State University-Banga campus.
