Eumusot sa National PRISAA ro sangka Aklanon athlete sa sports ga Track & Field.
Si Romeo Josh C. Requiron, sangka 2nd year college it Bachelor of Science in Information Technology sa Western Institute of Technology, tubong Boracay, Malay, Aklan ag sangka student-athlete man hay magadaeagan sa National PRISAA sa Tuguegarao sa paaeabuton nga Abril.
Suno kay Romeo, umpisa kat imaw hay unga pa, daeagan eon gid ro anang hampang. Bangud kara nag-ubra imaw it paagi para ma-improba pa ro anang kapasidad sa larangan it Track & Field.
Sa makaron sigon, gina balanse eon lang nana ro anang pageskwela ag ro pag-ensayo ag pagpahaom para sa maabot nga kompetistyon.
Nag-angkon man imaw it kadungganan sa kakatapos eamang nga WVPRISAA 2025 kun siin naangkon nana ro silver medal sa 10,000 category ag bueawan nga medalya ro anang na-angkon sa 5,000 category ag raya man ro anang paga-hampangan sa maabit nga National PRISAA.
Nagapanawagan man si Romeo nga kunta mataw’an it suporta ro mga atleta kapareho kana nga apisar bukon kilaea hay naga daog man sa mga mataas nga kompetisyon.
