KALIBO, Aklan–Preparado eon ro mga student-athletes nga naghalin sa Aklan nga magiging kaparte it delegasyon it Western Visayas sa Palarong Pambansa sa Marikina City sa maabot nga Hulyo 29 hasta Agosto 5, 2023.
Suno kay coach Jovie Ote it athletics nga kaeabanan sa mga atletang Akeanon hay nakasueod sa qualifying standards it athletics.
Raya hay ginaeakipan it 10 halin sa elementary ag ap-at sa secondary nga magahampang sa long jump, triple jump ag iba pang event.
Posible suno kana nga sa hulyo 15 hay magabiyahe sanda sa Iloilo antes nga magaderetso sa Marikina kaibahan ro mga delegasyon it Region 6.
Nasayuran nga ginhakot man it western visayas ro team sports mag-eowas sa volleyball boys secondary.
Raya hay bangud sa patakaran nga winner take all, kun sa siin maskin nga nagpatigayon it pre-palarong pambansa ag sa oras nga nagkampeon ro sangka team hay owa it selection process.
Samtang, sa conditioning stage eon sigon sanda it andang training makaron.
Gindugang pa ni Ote nga mabahoe ro suporta it aklan provincial government ag department of education ukon deped-aklan sa mga kinahangeanon it mga atleta.
