KALIBO, Aklan—Nag-uli it tatlong bueawan ag sangka silver nga medalya ro sangka aklanong estudyante matapos nga nagpasakop sa katatapos eamang nga 23rd World Championships Of Performing Arts (WCOPA) nga ginpatigayon sa Long Beach, California.
Si Rhiann Dal Victoriano nga tumandok it banwang Batan kaibahan ro anang trainer nga si Aliw-iw Pioquinto-Regalado hay naiboesa ro ap-at nga medalya matapos nga magdaog sa WCOPA 2019.
Nakuhit ni Victoriano ro bueawang medalya sa Broadway, Gospel ag Opera Category samtang, silver medalist imaw sa Open Category.
Ginpresentar ni Victoriano ro nasyon kaeakip ro 100 nga mga Pinoy singer, musician, dancer, variety artist, actor ag mga model sa nasambitang event nga ginpatigayon halin ko Hulyo 12 ag magatapos sa 23, 2019.
