KALIBO, Aklan – Kahilig sa action movies ag pagpangbully ro nagtueod kay Kristina Carla Habana agud nga imaw hay magsueod sa kalibutan it taekwondo.
Dati sigon imaw ra nga ginabully ngani nga gintunguhaan it anang mga ginikanan nag patun-an it taekwondo bilang self-defense, halin kato nahilig eun imaw kara hasta umabot sa punto nga nagadaog eun imaw sa nagkaeain-eain nga torneo.
Sambilog eun kara ro pagdaog nana sa Thailand sa 10th Tirak Taekwondo International Tournament ku Oktubre 26-27, 2024.
Dugang pa it daega nga apisar nga masako ro anang schedule hay nakaya nana ro pagiging atleta ag estudyante ngani nagapati man imaw nga makayanan man raya it ibang tawo bangud nga mental eamang sigon ro kontra it sangka indibidwal.
Paathag nana nga uebos man ro anang pagpalangga sa anang pamilya bangud man sa suporta ag pagpalangga it mga raya nga ginatao kana.
Samtang, sa masunod nga dominggo it Nobyembre magasabak man imaw sa national competition.
