NEWS Analysis– Kun ro pagabasehan hay ro adlaw adlaw nga hitabu sa karsada, mahambae nga mataas gihapon ro nagakatabu nga aksidente nga tuga it pagmaneho it hilong.
Raya hay nagakatabu bangud nga bukon it bastante ukon kueang ro numero it mga nagapatuman it RA 10586 ukon ro ginatawag nga Anti-Drunk and Drugged Driving Act.
Bangud kara, ginapanawagan sa mga kapulisan kamana man sa mga local government units nga magpakalhit it mga dugang nga enforcers nga magabantay sa mga driver nga pasaway nga maskin naka-inom ukon hilong hay nagamaneho gihapon eabi pa kon ro sangka driver hay nagamaneho nga una sa impluwensiya it ginabawae nga droga.
Mag-eowas sa kueanh ro mga nagabantay sa mga pasaway hay kueang man ro mga nagakaigo nga kagamitan.
Medyu owa nahadlok ro kaabuan sa probisyon it laye sa Anti-Drunk Driving Act.
Sa idaeum kara, ro sin-o man nga mapamatud-an nga una sa impluwensya it alcohol samtang nagamaneho hay posibleng makulong it halin tatlong buean hasta 20 anyos ag may multa nga halin P20,000 hasta P500,000 pesos.
Sa listahan it DOTr, kapin sa 11,000 ro namatay sa Pilipinas bangud sa mga pagbueungguan it saeakyan tuga it pagmaneho it hilong ag naka-droga, overspeeding, pag-text samtang nagamaneho ag human error.
Maskin ro PNP Highway Patrol Group hay naghambae nga nagatinaas makaron ro numero it mga aksidente sa karsadahon tuga it pagmaneho it hilong nga naga abot eon sa 59 nga insidente ukon haeos 90 % ko Nobyembre 2022 kumpara sa nairekord nga 31 insidente sa nagtaliwan nga buean sa nagtaliwan nga dag-on .
Tandaan nga ro responsableng pagmaneho hay makaeowas it maabu nga kabuhi sa karsada.
