KALIBO, Aklan—Kapareho sa mga naka-ugalian nga ritwal sa patay it mga kristiyanong filipino eabi eon it mga katoliko, nagpatigayon man it ika-40 diyas nga pagdumdum sa pagkamatay it anang alagang ayam nga Japanese Spitz nga ginpangaeanan kay Nikki.
Sa interview it Bombo Radyo Kalibo, ginpahayag ni Albert Manalo, nagapanag-iya it ayam nga nagpahaom imaw it pagkaon agud nga makaangkon it saeo-saeo kaibahan ro mga bisita nga dog lovers ag iba pa.
Suno pa kay Manalo, hasta sa makaron hay owa pa imaw naka-move-on sa pagkamatay it anang alaga, apang ginatinguhaan nana nga makabangon halin sa kasakit nga nabatyagan pinaagi sa bulig it ap-at pa nga nabilin nga alagang ayam.
Makabig sigon nga espesyal ro andang relasyon ni Nikki nga matsa ginakabig man nana nga kaugalingon nga unga.
Samtang, ginpasaeamatan man ni Manalo ro mga katapo it media eabi eon ro Bombo Radyo Kalibo ag iba pang dog lovers nga nagpatlod ukon nagsunod sa ginpatigayon nga funeral procession sa paghatud sa ulihing paeahuwayan it anang alagang ayam.
