Gindayaw it tournament director it National Bank Open nga si Karl Hale ro naging mabahoe nga epekto ni Filipina tennis star Alex Eala sa 2026 tournament nga ginpatigayon sa Toronto, Canada.
Suno kay Hale, nakabulig ro kasikatan ni Eala agud nga makaangkon it kakaibang atmosphere sa torneo, kaibahan ro pag-abu it international fans ag sold-out nga mga hampang.
Ginpamilit man nana ro maeapit nga koneksyon it tennis star sa mga Filipino supporters sa Canada.
Ginpahayag ni Hale nga importanteng leksyon para sa mga organizer ro naging epekto ni Eala agud nga mas mapaeapit ag ma-engganyo ro nagkaeain-eain nga komunidad sa Toronto nga suportahan ro mga masunod nga edisyon it National Bank Open.
Samtang, nakataeana man nga mag-umpisa ro kampanya ni Eala sa Cincinnati Open kun sa siin maka-atubang nana si Elena-Gabriela Ruse it Romania sa masunod nga round.
