Haum nga ipaiway ni tennis star Alex Eala ro sangka mabahoe nga torneo sa WTA Tour agud nga makahampang para sa Pilipinas ag maeagas ro bueawan nga medalya sa 20th Asian Games sa Aichi-Nagoya, Japan.
Suno sa Philippine Lawn Tennis Association, makikipag-angot sanda sa WTA para pasugtan nga eaktawan ni Eala ro China Open, sangka WTA 1000 tournament nga nakataeana sa Setyembre 30 hasta Oktubre 11.
Nagdungan ro torneo sa Asian Games nga pagahiwaton umpisa sa Setyembre 27 hasta Oktubre 3.
Matapos maangkon ro bronze medal sa 2023 Asian Games, target makaron ni Eala nga maangkon ro gold medal para sa nasyon.
Sa pihak it posibleng maduea nana nga ranking points ag premyong kwarta sa WTA Tour, prayoridad sigon it 21-anyos nga tennis star nga i-representar ro Pilipinas sa Asian Games.
