May pilang torneo pa nga paga-intrahan si Pinay Tennis star Alex Eala sa masunod nga mga domingo.
Una kara ro anang pagsabak sa clay court sa Linz Openna, sangka WTA 500 event sa Austria nga maga-umpisa sa Abril 6 hasta 12.
Pila sa mga posibleng maka-atubang nana hay ro mga mabahoe nga pangaean sa tennis kapareho nanday Emma Raducanu, Clara Tauson, Jelena Ostapenko ag ro defending champion nga si Ekaterina Alexandrova.
Kaibahan eon kara ro WTA 500 tournament sa Germany nga maga-umpisa sa Abril 13 hasta 19.
Makaibahan man ro world ranked 45 nga si Eala sa Madrid Open nga pagahiwaton sa Abril 21 hasta Mayo 3.
Ko nagtaliwan nga dag-on sa Madrid tournament hay napas-eawan imaw kay Iga Swiatek sa tatlong sets sa ikaywang round.
Madumduman nga katatapos eamang ni Eala sa pagsabak sa pilang torneo sa US kapareho it Indian Wells ag Miami Open.
