Temprano nga natagak ro Filipina tennis star Alex Eala sa Stuttgart Open matapos imaw nga piyerdihon it Filipina-Canadian nga si Leylah Fernandez sa straight sets, 1-6, 4-6, sa Round of 32, adlaw it Martes sa Germany.
Insigidang umarangkada si Fernandez sa unang set matapos maka-abanse it 5-0 bago pa man nakapuntos si Eala.
Maskin nga nakabo-oe it sangka game ro Filipina, madasig man nga gintapos ni Fernandez ro set.
Nagpakita it mas mabaskog nga hampang si Eala sa second set matapos mabo-oe ro unang game. Sa pihak kara, nakabawi si Fernandez ag ginpadayun ro 3-1 nga abanse.
Nakaangkon pa it matag-od nga rally si Eala pinaagi sa back-to-back games, apang owa raya naging bastante agud nga mapugngan si Fernandez nga eubusan nga nagselyo it kadaeag-an.
