Natapos eon ro kampanya ni Filipina tennis star Alex Eala sa Singapore Open matapos imaw nga mapiyerde kay world No. 180 Tatiana Prozorova sa round of 16, gabi-i it Huwebes, Setyembre 24.
Nabo-oe ni Eala, nga presenteng world No. 18 ag third seed sa torneo, ro unang set, 6-4. Apang, nakabawi si Prozorova ag nabo-oe ro ikaywang set, 7-5, bago eubusan nga nagdaog sa deciding set, 6-3, sa hampang nga nagbuhay it masobra sa tatlong oras.
Sa ikatlong set, naka-abanse si Prozorova it 5-3 matapos ma-break si Eala ag eubusan nga ginsarado ro hampang pinaagi sa forehand winner sa match point.
Samtang, ginpahayag ni Eala nga pagatun-an nana ro anang mga kakueangan sa hampang ag pagagamiton raya nga leksyon.
Iga-focus eon makaron ni Eala ro anang atensyon sa 2026 Asian Games sa Aichi-Nagoya, Japan, kun sa siin nakataeanang maga-umpisa ro tennis competition makaron nga domingo.
Sambilog imaw sa mga ginakilaeang medal hopefuls it Pilipinas sa torneo.
