Nagwakas ro daeayawon nga kampanya ni Alexandra Eala sa Wimbledon, adlaw it Lunes matapos nga piyerdihon ni Jasmine Paolini it Italy, 6-4, 4-6, 6-3, sa Round of 16.
Mabaskog ro pagguwa ni Paolini, nagpanguna sa iskor nga 4-1 sa opening set. Nagsabat si Eala pinaagi sa pagdaog sa tatlo nga magkasunod nga apa-t nga hampang agud nga bawasan ro deficit sa 5-4, apang ginbuytan it Italyano ro serve para isarado ro set, 6-4.
Nakabawi si Eala sa second set. Sa pag-eagas sa 3-2, ro Pinay hay nagtiyog it tatlong magkasunod nga hampang para agawon ro 5-3 nga abanse.
Nadag-an ni Eala ro 2nd set para mapuwersa ro deciding third set.
Sa 3rd set hay nagapabilin nga hugut ro hampang, kun sa siin, parehong ro mga player hay nakakulong sa 3-3 bago eubusan nga nagguwa ro pagiging eksperyensiyado Paolini.
Nagdaog ro Italyano it tatlo sa ulihing ap-at nga hampang rason nga naselyuhan ro kadaeag-an ag mai-book ro anang puwesto sa quarterfinals.
Sa pihak it kapiyerdihan, nalipay si Eala sa sangka breakthrough run sa grass-court Grand Slam.
Ginpiyerde nana sanday Renata Zarazua (6-1, 6-2), Maya Joint (3-6, 6-2, 6-0), ag Iga Swiatek (7-6(9), 6-2) para maging kauna-unahang Pinay nga umabot sa Wimbledon Round of 16 sa Open Era.
