Uman nga nagbalik sa training ro Filipina star nga si Alex Eala sa clay courts it Foro Italico sang adlaw matapos ro anang dramatic three-set comeback victory kontra kay Magdalena Fręch sa Italian Open.
Nag-training ro 20-anyos sa Court 7 kaibahan ro anang coaches halin sa Rafa Nadal Academy nga sanday Joan Bosch ag Lluc Bauza.
Nagbuhay it haeos sang oras ro anang training kun sa siin gintaw-an nana it atensyon ro anang service ag returns — mga aspeto nga naging yabe sa anang pagdaog kontra Fręch.
Dinagsa man it mga tumaean-aw ro palibot it court samtang naga-training si Eala, nga madasig nga naging sambilog sa mga pinakapopular nga players sa torneo makaron nga domingo.
Kadungan sa anang pag-training sa mga kaiping nga court ro pilang kilaeang tennis stars kapareho nanday João Fonseca, Coco Gauff, Daniil Medvedev, ag Felix Auger-Aliassime.
Pagkatapos it training session, nagbo-oe man it promotional videos ag photos ro opisyal nga tournament media kay Eala antes imaw nga nagtaeana it oras para sa selfies ag autograph signing kaibahan ro mga fans.
