Alex Gonzaga, gin-unga eon ro andang first child

Gin-unga eon it aktres ag TV host nga si Alex Gonzaga ro andang first child it asawang si Mikee Morada.

Raya ro ginkumpirma it anang shapewear brand nga Sizzies PH pinaagi sa sangka congratulatory post, adlaw it Huwebes, Agosto 27. Nagustuhan man ni Gonzaga ro nasambit nga post nga may litrato nanda ni Morada halin sa andang maternity shoot.

Sa pihak kara, hasta sa makaron hay owa pa it opisyal nga pahayag si Gonzaga angot sa pag-unga ukon iba pang detalye angot sa andang firstborn.

Nagpakasae sanday Gonzaga ag Morada ko 2020 ag ginkumpirma nanda ro pagnabdos it aktres ko Mayo, 2026.