Ginpakigbahin it actress-host nga si Alex Gonzaga ro pangaean it anang baby boy kadungan it selebrasyon it unang buean kara.
Sa anang Instagram post, ginpahayag ni Gonzaga nga eksaktong sang buean eon ro nagtaliwan kat makilaea nanda ro andang unga nga si Isaac Gerard G. Morada.
Nagpasaeamat man imaw sa Diyos para sa madinaeag-on nga cesarean delivery ag sa pagtao kanda it andang “answered prayer” nga unga.
Suno pa kana nga posibleng may espesyal nga kahueugan ro pangaeang Gerard bangud nga raya man ro middle name it anang asawang si Mikee Morada.
Samtang, ro pangaeang Isaac hay halin sa Bibliya ag nagakahueugan nga imaw hay nagahibayag ukon “he laughs.”
May kaangtanan raya sa istorya nanday Abraham ag Sarah, nga nakaangkon it unga nga si Isaac sa pihak it andang kagueangon .
Bago natawo si Isaac, an-um nga dag-on man nga naghueat sanday Alex ag Mikee para sa andang unga kasunod it tatlong miscarriage.
