Nagapadayon ro ginahimo nga koordinasyon it Pilipinas sa gobyerno it iba pa nga mga nasyon agud nga maaresto si dating Bamban,Tarlac Mayor Alice Guo.
Suno kay Department of the Interior and Local Government (DILG) Secretary Benhur Abalos, pwede mahambae nga madali eon lang nga madakpan si Guo.
Apang mag-eowas kara, owa eon nagtau it iba pa nga detalye si Abalos sa status it pag-usoy kay Guo bangud nga nagapadayon ro operasyon it gobyerno.
Ginpasiguro it opisyal, gina-obra it mga otoridad sa Pilipinas ro tanan agud nga madakpan ro dating alkalde kapareho sa ginhimo sa pag-usoy kanday Shiela Guo ag Cassandra Li Ong nga napabalik eon sa nasyon halin sa Indonesia.
Suno pa kay Abalos nga mabahoe nga bagay ro pagkadakop sa daywang mga kaibahan ni Guo agud nga makita man ro ginakabig nga ‘Chinese spy’.
