Ginaimbestigahan eon it Department of Interior and Local Government (DILG) ro naga eotaw nga alegasyon nga sangka espiya it China ro nadismis nga si dating Bamban, Tarlac mayor Alice Guo.
Nag guwa sa hearing it Quad Committee it Kamara ko Biyernes it gabi ro sangka documentary video it Al Jazeera kung siin inamin ni She Zhiijiang, sangka self-confessed Chinese spy nga imaw ag si Guo hay mga espiya nga haom nga itao ro kabuhi sa China’s Ministry of State Security (MSS).
Suno kay Abalos, iga assign nana si PNP Chief P/Rommel Francisco Marbil para sayuron ro seryosong alegasyon it detenidong Chinese spy nga magkaibahan sanda ni Guo sa misyon.
Una eon nga gindudahan ro nagkalat ag sangkaterbang numero it mga Chinese nationals nga nagdagsa sa nasyon, kaabuan kara hay mga estudyante sigon ag mga negosyante nga nagkalhit sa bilog nga Pilipinas partikular eon sa maeapit sa EDCA (Enhanced Defense Cooperation Agreement) sa Cagayan.
Ro MSS hay responsable sa pange-espiya it China sa ibang nasyon, counter-intelligence, seguridad sa pulitika nga ginakonsiderang sambilog sa may mabaskog nga gahom ag masikretong security agency sa bilog nga nasyon.
Sa nasambit nga video hay ginhambae ni She nga si Guo hay si Guo Hua Ping nga Chinese name it nasambit nga nadismis nga alkalde, nga bukon sigon it dapat nga patihan ag ginaingganyo kara nga isugid eon sa bilog nga kailibutan ro kamatuuran bangod sda bistado eon raya.
Dugang pan ni She nga nagpangayo sigon si Guo nga pondohan nana ro mayoralty campaign kara sa nasyon ko Mayo 2022 polls apang gingpamalibaran nana.
Maski nakibot si Guo sa nasambit nga video hay ginapamilit kara nga ginapamalibaran nga kilaea nana si She ag sininghan nga gusto kara nga magdihon it kaso kuntra kara apang ginghambae ni solon nga nakakulong eon ro nasambit nga Chinese spy sa Thailand.
