Nagdesisyon ro Estados Unidos nga punduhon anay ro ginapadaea nga bulig sa Philippine National Police (PNP).
Suno sa International Coalition for Human Rights in the Philippines, pabor ro mga miyembro it US House of Representatvies nga i-eakip ro nasambit nga amendment sa National Defense Authorization Act para sa fiscal year 2023.
Sa idaeom kara, indi dapat gamiton ro buwis it US para magtao it mga armas, pag-ensayo ag iba pang klase it bulig sa Pilipinas.
Pagalimitahan ro bulig hasta nga mapamatud-an it Pilipinas nga masolusyonan ro serye it mga kinahang-ean sa human rights.
Dapat man nga pamatud-an anay it Secretary of State and Defense nga ro gobyerno it Pilipinas hay naimbestigahan ag madinaeag-on nga nasentinsyahan ro mga miyembro it PNP nga nag-eabag sa tawhanong kinamatarong.
