Kalibo Aklan ——–Ginkasubo it pamunuan it Aklan Police Provincial Office (APPO) ro natabu nga ginasugid nga ‘misencounter’ sa tunga it Philippine National Police (PNP) ag Philippine Drug Enforcement Agency (PDEA), sa guwa it sangka fast food chain sa Commonwealth Avenue, Quezon City, kahapon.
Nagapati si P/Major Willian Aguirre it APPO nga natabu ro insidente nga ginkamatay it tatlo kun sa siin daywa kara ro pulis ag ginkanina it ap-at nga iba pa bangud sa miscommunication .
Posible suno kana nga matapna ro misencounter basta nga nagasunod eamang sa standard operating procedure (SOP).
Sa pihak kara, ginpasiguro ni P/Major Aguirre nga indi maapektuhan ro relasyon it daywang sanga it law enforcement agency eabi eon sa andang katuyuan nga makaangkon it drug-free community .
Base sa inisyal nga imbestigasyon suno kana nga parehong nagpatigayon it lehitimong buy-bust operation ro magtimbang nga grupo sa sangka target ukon subject person .
Ginaduea man kara ro pagkabaeaka it publiko kadungan ro pagpahayag nga ro natabu hay isolated case eamang.
Ro insidente suno kana hay gina-imbestigahan eon it National Bureau of Investigation (NBI).
Samtang, nag-apela si P/Major Aguirre sa mga netizens nga likawan ro pagtau it mga komento sa mga nagatuhaw makaron nga mga videos it natabu nga engkwentru.
Posible suno kana nga magpa-init eamang raya it sitwasyon .
Ro mga natungdan eamang suno kana nga ahensiya it gobyerno ro may kinamatarung nga magpaguwa it pahayag angot sa matuod-tuod nga natabo.
