KALIBO, Aklan – Nagapabilin nga mataas sa overall performance rating it Marcos administration nga una sa 51% base sa pinaka’ulihing survey it PUBLiCUS Asia Incorporated.
Suno sa PAHAYAG Second Quarter 2024, napabilin ni Pangueong Bongbong Marcos ro anang approval rating nga 44% ag trust rating nga 33%.
Sa pihak kara, nagnaba man ro approval ratings kara sa North Central Luzon o NCL nga kilaeang baluarte it Pangueo, halin 52% ku Q1 hay naging 49% sa Q2.
Samtang, mabahoe man ro gin’naba it overall rating ni Vice President Sara Duterte, kun siin nagnaba ro anang approval halin 53% ku Q1 sa 46% sa Q2.
Samtang, ro anang trust rating hay nagnaba man it limang puntos halin 46% hay naging 41%.
Nailista ro mabahoe nga pagnaba sa NCL halin 47% hay naging 38%.
Maging sa balwarte kara sa Mindanao, nagnaba man ro approval rating it Bise Presidente halin sa 75% hay naging 68%, pati man ro trust rating kara nga 67% ku Q1 hay nabuhinan ag naging 65% sa Q2.
Sa pihak kara, nagapabilin man si VP Sara sa may pinaka’mataas nga approval ag trust rating sa mga opisyal it gobyerno.
