-- ADVERTISEMENT --
KALIBO, Aklan–Ginpaathag it sangka football nga ro engkwentro sa tunga it Argentina ag France hay makabig nga pinakamanami sa tanan nga hampang sa kasaysayan it FIFA World Cup.
Raya hay bangud pareho nga mabaskog ag nagpakita it agresibong depensa ro kada koponan.
Suno kay Jaimer Dela Cruz, sangka football analyst nga masyadong mabug-at ro nasambit nga kadaeag-an para kay Lionel Messi bangud raya eon lang ro kueang sa anang football career.
Nauna eon nga nagpahayag si Messi nga posibleng raya eon ro anang pinakaulihing paghampang kaibahan ro national football team sa international game.
Kung siin, raya sigon ro masunod nga paga-abangan kung paano iga-anunsyo it football superstar ro anang pagretiro sa world cup.
-- ADVERTISEMENT --
