Ginkumpirma it gobyerno it Timor-Leste nga pabalikon sa Pilipinas ro napatalsik nga kongresista nga si Arnolfo Teves Jr.
Suno sa andang pahayag, ro presensiya ni Teves hay nagtuga it seryoso ag bukon kabaton-baton nga sitwasyon nga nagsamad sa bilateral relations it Pilipinas ag Timor-Leste.
Naging negatibo ro imahe it Timor-Leste bangud sa pagiging daeaganan it mga indibidwal nga maglikaw sa pangkalibutanong hustisya, nga naga-paeag sa integridad it andang mga kampanya kontra sa transnational crime.
Ro desisyon nga pabalikon si Teves hay sangka tikang administratibo it Ministry of Interior it Timor-Leste matapos mawad-an it tamang legal nga dokumentasyon si Teves tuga it pagkakansela it anang pasaporte.
Gindugang pa it gobyerno nga bangud sa mga krimeng ginhimo ni Teves sa Pilipinas, paga-bawaean imaw nga makasueod sa Timor-Leste sa sueod it 10 dag-on alinsunod sa andang migration ag asylum law.
Si Teves hay gina-turo nga mastermind sa pagpatay kay Negros Oriental Governor Roel Degamo ag ginakonekta man sa iba pang krimen sa nasambit nga lugar.
